|
|
Lítil frænka fædd
|
3. júlí 2009
|
Jens og Sigrún eignuðust litla borgfirska/austfirska fegurðardís í kvöld, 53/54 cm og 13,5 Merkur. Innilega til hamingju  |
| |
 |
|
Athugasemdir (0) |
 |
Húsdýragarðurinn
|
29. júní 2009
|
Við Njörður erum að fylla upp í kröfurnar að vera vísitölufjölskylda með því að hafa skellt okkur á árskort í Fjölskyldu.- og húsdýragarðinn í gær.
Árskort!
Nú skal fara að klappa svínum og selum helst á hverjum degi til að kreista út hverja krónu í þessu korti..
Já en svona líka er þetta sniðugt því þarna er svo skjólgott, tilbúin grill til notkunar og flott svæði til sólbaðsdýrkunar - ef þessi blessaða sól lætur eitthvað sjá sig aftur í sumar.
Dagmar var alveg á útopnu allan daginn - klifraði um allt og prófaði öll tækin, hljóp fram og tilbaka eldrauð í kinnum og rosa glöð. Fékk bleikan tyggjóís að lokum og svo var dagurinn toppaður með að Áslaug Lilja kíkti í heimsókn ásamt foreldrum. Þvílíkt hamingjusamur krakki sem fór nýþveginn og þreyttur í háttinn í gærkvöldi.
Setti inn myndir af sunnudeginum okkar í albúmið en hér eru nokkrar af fyrirsætunni sætu og svo litlu sem svaf og svaf og svaf eins og venjulega. |
| |
 |
 |
 |
|
Athugasemdir (2) |
|
Grund í gamla daga
|
25. júní 2009
|
Ljósmynd í eigu Þjóðminjasafnins.
Hlakka til að heyra frá pabba hvaða fólk þetta er á myndinni. |
| |
 |
|
Athugasemdir (0) |
|
Álfadísin undurfagra
|
24. júní 2009
|
Ég er búin að vera að koma mér að skrifa um litlu dís í nokkra daga. En þegar ég sest niður þá er eins og einhver hafi stungið nál í blöðru og allur innblásturinn lekur út.
Veit ekki hvað það er, en það er eins og mig vanti orð til að lýsa litlu dísinni minni. Maður er svo yfir sig ástfanginn að maður kemur ekki tilfinningunni frá sér.
Þótt það sé leiðinlegt að segja það þá var þessi tilfinning ekki eins sterk svona snemma með Dagmar. Ætli viðbrigðin við að eignast barn þ.e. að hugsa um annan einstakling allan sólarhringinn með tilheyrandi áhyggjum, vanmátt og svefnleysi þá hafi ekki haft yfirhöndina yfir upplifunina að kynnast Dagmar fyrstu vikurnar. Ástin kom svo þegar maður fékk sjálfstraustið og allt fékk í undursamlega rútínu.
En með álfinn þá kom ástin með sprengingu um leið og hún skaust út. Man að það fyrsta sem ég sagði þegar ég horfði í augun á henni eftir að hafa kippt henni upp úr lauginni var "Ertu komin!". Svona eins og ég hafi þekkt hana lengi.
Hún er búin að vera algjör draumur við mömmu sína síðan þá. Sefur og sefur og sefur og sefur og sefur og sefur svo aðeins meira. Giska á að hún sofi ca 18-20 klst á dag. Hún flokkast sem handleggjabarn þar sem svefninn fer yfirleitt fram í mömmufangi. Ég hef tvær kenningar um þetta, önnur rómantísk en hin læknisfræðileg. Auður jógakennari sagði að óléttar konur hefur sérstaka áru/orku í kringum sig, hún er hvít á litinn og táknar eitthvað sérstakt sem ég man ekki. Þegar börnin fæðast þá sækja þau í að vera áfram innan þessarar áru sem þau þekkja svo vel. Öryggið í mömmufangi er því meira en lykt og hlýja heldur líka orkusvið.
Hin ástæðan er held ég að hún eigi við örlítið bakflæði að stríða því hún þolir ekki að vera lögð niður rétt eftir að hún hefur drukkið. Hún gubbar ekkert en maður finnur óróleikann í henni sem stöðvast um leið og hún leggst upprétt á bringuna á manni.
Við fengjum Moby Wrap í sængurgjöf frá fjölskyldu Njarðar og það er strax farið að nýtast gegn þessu mömmufangsáráttu. Eftir að hafa spilað hvert leiðbeiningamyndbandið á fætur öðru á YouTube þá erum við farin að geta bundið barnið á okkur Africa Style og rölt um með tvær hendur lausar. Gott þegar maður þarf að setja í þvottavél eða vaska upp. Í gær rölti ég meira að segja með hana í Wrappinu út í Glæsibæ að hitta vinkonurnar í hádegismat og hún svaf allan tímann. Þetta vekur athygli samt - fólki bregður við að sjá lítið eyra gægjast fram úr hálsmálinu hjá manni.
Litlan stækkar samkvæmt plani. Fæddist 3940 gr, og datt niður í 3800 gr. tveggja daga eftir að hafa losað sig við barnabikið. Tveggja vikna var hún 4040 gr. og þriggja vikna stóð hún í 4420 gr.. Hún fór því hægt af stað en er í svaka vaxtarkipp þessa dagana. Furðulegt að horfa á barnið á morgnanna og finnast hún stærri heldur en áður en hún fór að sofa.
Mér finnst mikill munur á að eignast barn 2 heldur en 1. Er svo að passa mig að njóta þess að eiga hvítvoðung frekar en að vera að bíða í sífellu eftir næsta þroskastigi. Ég elska að kúra hjá henni og anda hana að mér, og ég held að hún sé komin með ógeð á þessu stöðuga kjasseríi en hún lætur sig hafa það.
|
| |
 |
|
Athugasemdir (4) |
|
Fréttablaðið 22. júní 2009
|
22. júní 2009
|
Ültravaggan mikla er að verða fræg og birtist í Fréttablaðinu í dag. Mér létti mikið þegar ég sá ljósmyndina - fegin að það skyldu ekki vera of margar undirhökur með á myndinni.
|
| |
 |
|
Athugasemdir (5) |
|
17.júní ferð
|
18. júní 2009
|
Ég og Dagmar fóru á 17.júní hátíðina í RVK. Fórum í skrúðgöngu og kíktum á barnaskemmtunina á Arnarhóli. Dagmar fékk fullt af nammi og var mjög sátt við daginn.
/Njörður |
| |
 |
|
Athugasemdir (2) |
|
Mynd dagsins
|
16. júní 2009
|
Mynd dagsins
|
12. júní 2009
|
Littli álfur hjá mömmsu sinni!
(vil reyndar taka fram að ég er ekki að flippa út á blogginu með þessum daglegu uppfærslum - ég er meira að hugsa hversu skemmtileg dagbók þetta á eftir að vera seinna fyrir litlu skvísu) |
| |
 |
|
Athugasemdir (6) |
|
Við Njörður eigum fjögurra ára brúðkaupsafmæli í dag. Samkvæmt netinu flokkast það sem ávaxta og blómabrúðkaup. Njörður stóð sig vel og kom heim með rauðar rósir og jarðaber !
Hann fékk koss frá mér!
Manni finnst nú ekki að það séu fjögur ár síðan þetta var, en það verður augljóst þegar maður horfir á börnin á myndunum. Þau hafa stækkað allsvakalega frá því að þessi mynd var tekin á einum fallegasta dag sumarsins í Skorradalnum.
(Brúðarmeyjarnar Dagmar 4 mánaða, Jóhanna 11 mánaða og Melkorka 5 ára. )
|
| |
.jpg) |
|
Athugasemdir (2) |
|
LOVE ME?
Er annað hægt þótt maður snappi í hvert skipti á skiptiborðinu þegar á að setja mann í hrein föt?  |
| |
 |
|
Athugasemdir (2) |
|
|
|
